ဘယ်တော့မှဖောက်ပြန်မှာမဟုတ်တဲ့ မိန်းကလေးတစ်ယောက်ရဲ့ လက္ခဏာ(၅)ခု
မိန်းကလေးတစ်ယောက်က သင့်ကို တကယ်ချစ်မိသွားပြီဆိုရင် သစ္စာဆိုတာ သင်မတောင်းလည်း သူ့ဖက်ကနေ ပေးပြီးသားပါ။ တကယ်လို့ သင့်ချစ်သူဟာ အခုဖော်ပြပေးတဲ့ အချက်တော်တေ်ာများများနဲ့ ကိုက်ညီနေရင်တော့ သင့်အပေါ် အရမ်းသစ္စာရှိပြီး ဘယ်တော့မှ ဖောက်ပြန်မှာမဟုတ်တဲ့ ချစ်သူကို သင်ပိုင်ဆိုင်ထားတာကြောင့် သင်အရမ်းကံကောင်းပါတယ်။
(၁) ရည်းစားရှိတာကို ယောက်ျားလေးတွေရှေ့မှာ ဖုံးကွယ်မထားဘူး
သူများတွေ၊ အထူးသဖြင့် ယောက်ျားလေးတွေက သူ့ကို ရည်းစားရှိလားလို့ မေးတဲ့အခါမျိုးမှာ ရှိတယ်လို့ ပြတ်ပြတ်သားသား ပြောပြရဲတဲ့အပြင် ဘယ်သူဘယ်ဝါလို့ ပြောဖို့တောင် ဝန်မလေးတဲ့သူပါ။ ဒီလိုပြောလိုက်ခြင်းဖြင့် သူ့ရဲ့ ဂုဏ်သိက္ခာကို ထိပါးစေတဲ့အပြင် သူ့ကို တခြားကောင်လေးတွေ မကြိုက်တော့မှာမှန်း သူကောင်းကောင်း သိပါတယ်။ ဒါကြောင့် သင့်ချစ်သူက သင်နဲ့ သူရဲ့ပတ်သက်မှုကို အခြားယောက်ျားလေးတွေရှေ့မှာ ဘယ်တော့မှ မဖုံးကွယ်ဘူးဆိုရင် သင့်အပေါ် အရမ်းသစ္စာရှိလို့ဆိုတာကို သဘောပေါက်လိုက်ပါ။
(၂) သင့်ကိုလျှို့ဝှက်ထားတာမရှိဘူး
သင့်ချစ်သူဟာ သင့်ကို ဘာမှလျှို့ဝှက်ထားမှာ မဟုတ်ပါဘူး။ သူ့ရဲ့ အားနည်းချက်၊ အားသာချက်တွေ၊ အတွင်းရေးကိစ္စတွေကအစ သင့်ကိုတိုင်ပင်တယ်၊ ရင်ဖွင့်တယ်၊ သူနဲ့ ပတ်သက်ပြီး သင် မသိတာမရှိသလောက်ကို လျှို့ဝှက်ချက်ကင်းသူတစ်ယောက် ဖြစ်ပါတယ်။ သူ့ဖုန်းကို အချိန်မရွေးယူကြည့်လည်း ပြဿနာဖြစ်စရာတစ်ကွက်မှ ရှိမနေတတ်တဲ့သူမျိုးပါ။ ဒါဟာ သူတော်တော် သစ္စာရှိတယ်ဆိုတာ မြင်နိုင်တဲ့ အချက်ပါ။
(၃) သင့်ကိုစိတ်ထဲအမြဲထားတယ်
သစ္စာရှိတဲ့ မိန်းကလေးတွေဆိုတာ ချစ်သူအနားမှာ အမြဲရှိချင်မှ ရှိနိုင်မယ်။ ဒါပေမယ့် သူ့ရဲ့စိတ်ထဲမှာ ချစ်သူကို အမြဲထားတတ်ကြပါတယ်။ ချစ်သူရှေ့မှာပဲဖြစ်ဖြစ်၊ ချစ်သူကွယ်ရာမှာပဲဖြစ်ဖြစ် ချစ်သူ စိတ်ညစ်မယ့် အရာတွေကို မလုပ်ကြပါဘူး။ သူတို့ရဲ့စိတ်ထဲမှာ ချစ်သူကို အပြည့်အဝ နေရာပေးထားတာကြောင့် တခြားသူတွေအတွက် နေရာမရှိတော့ပါဘူး။
(၄) လေးနက်တယ်
သစ္စာရှိတဲ့ မိန်းကလေးတွေဟာ ချစ်သူနဲ့ ပတ်သက်ရင် အရာရာကို လေးလေးနက်နက် သဘောထားကြပါတယ်။ ချစ်သူနဲ့ ပတ်သက်ရင် အသေးအမွှားကအစ တန်ဖိုးထားတတ်သူတွေဖြစ်ပြီး အရာရာကို ခံစားလွယ်တတ်ကြပါတယ်။ ချစ်သူပြောတဲ့ စကားတွေ၊ ချစ်သူနဲ့ ပတ်သက်တဲ့ အသေးအမွှားကိစ္စလေးတွေတိုင်းကိုတောင် မှတ်မိနေတတ်ကြပါတယ်။ ဒီလိုမိန်းကလေးမျိုးဟာ အလိုလို သစ္စာရှိပြီးသားပါ။
(၅) ဂရုစိုက်တယ
သစ္စာရှိတဲ့ မိန်းကလေးတွေဟာ ချစ်သူကို အရမ်း ဂရုစိုက်တတ်ကြပါတယ်။ ချစ်သူအတွက် စားစရာလေးတွေ လုပ်ပေးတာမျိုး၊ တိုလီမုတ်စလေးတွေ ဝယ်ပေးတာမျိုးတွေ ခဏခဏ လုပ်တတ်ကြပါတယ်။ ချစ်သူ နေမကောင်းတဲ့အခါတွေမှာလည်း အရမ်းကို ကြင်နာဂရုစိုက်တတ်ကြပါတယ်။ ချစ်သူကို စိတ်ပူပြီး အမြဲတတွတ်တွတ်နဲ့ စကားတွေမှာနေတတ်တဲ့သူတွေလည်း ဖြစ်ပါတယ်။
Em Em (Shwemom)
Comments
Post a Comment